Transcription
1
Reçue à Grenoble, le 05 mars 1573. Répondue.
2
Monseigneur, je n’ay vollu faillir vous advertir comme les huguenaulx du Pouzin
3
tachent par tous moyens de passer le Rosne. Je croys qu’avez receu une
4
lettre que je vous escriptz advanthier, comment les huguenaulx avoint amené
5
le mollin de La Voste. Madame la contesse de La Voste feust icy
6
expressement, laquelle me feist entendre ce que je vous ay par icy
7
devant escript. Et creignant que n’ayez ^ [^ receu] mes dictes lettres, vous en feray
8
encores ce mout par ce messaiger qui s’en allest aussy bien à Grenoble.
9
Lesdictz huguenaulx du Pouzin ont assemblé quelque pionniers
10
faisant le bruict de volloir passer en Daulphiné. Cependant ilz les
11
font travallier à faire une tranchée pour mettre l’eau au tour de leurs muralhes.
12
Le sieur de Pierregroude y commande. Il n’y a pas cent ou six vingtz
13
estrangiers ^ [^ dedans] s’ils ny sont entré despuys hier. Vous avez veu par les
14
lettres que je vous ay escript comment monsieur du Pelloux a levé le siège
15
de devant Challançon et les bouttat en routte tellement qu’il en
16
desmeurat sur la place soixante ou quatre vingtz et quelques prisonniers
17
et afforce blessez. Je n’ay encores peu scavoir quel chemin ilz ont prins
18
sinon qu’on m’a faict entendre qu’ilz se sont retirés au Chelard. Il[s] font
19
courir le bruict entre eux qu’il[s] attendent monsieur de Sainct Romain
20
pour estre leur chef, les aultres disent que sera le seigneur de Monbrun, et
21
tous les jours ilz tachent par tous moyens à ce que il y esté adverty
22
pour le faire mettre en campagne. Ilz n’ont poinct passé encores iusques
23
icy sus votre gouvernement. Monsieur de Rosset m’escript de Loriol pour luy
24
fournir de quelques forces qu’il seroict une chose fort mal aysée à moy
25que je laissasse ceste ville [barré : pour ] en danger à cause des ruynes et de
26
ceux qui sont dans ladicte ville ausquelz je ne me fie poinct. Toutesfoys
27
et si l’avoict besoing de quelques forces pour ung jour ou pour faire quelque execution
28
et vous le treuvez bon, ne fauldray à satisfaire à votre volenté. Madame la
29contesse [barré : m’en ] de La Voste m’en demandat d’aussy, cas advenant qu’elle n’eust
30
affaire, laquelle chose je luy remonstrrès que je avoys fort peu gens ayant
31
une grande ville et de grand impourtance à garder. Toutesfoys je luy remet cella
32
à votre volenté, donc il vous plairra monseigneur m’en escripre affin que si
33
l’affaire venoict, je ne passe poinct voz commandementz. Monseigneur le mareschal
34
a changé sa batterie en pretenten qu’il feust donner hier lassault. Incontinant que je apprendray quelque chose de nouveau je ne fauldrey vous en
35
[215 v°] advertir. Je vous supplierey monseigneur faire barré : employer] prendre quelques soldatz que le
36
sergent du cappitaine Collon ung nommé La Gozette qui se dit de Moyrenc m’a de boché
37
et n’a tenu en luy qu’il n’en ayet convenu que beaulcoupt davantage. Lesdictz soldatz
38
s’appellent la Bruyère qui est du Fontany et ung aultre qui est de Vorèppe qui
39
se nomme Jehan Caetton, lesquelz s’en sont allez six jours apprès avoir receu
40
leur payement et ledict la Bruyère n’a faict qu’une garde. Il s’en est allé aussy
41
quelques aultres de Vienne. Attendant voz commandementz, je supplieray le
42
Createur,
43monseigneur qu’il vous preserve en bonne prosperité, heureuse vie et longue. De Vallance, ce quatrieme [barré : fe ] ^ [^ mars] 1573 .
44
Votre très humble et très affectionné serviteur
45
Le Mestral
46
Les huguesnos font corier
47
librement entre eux que monsieur
48
des Adrés sep decleré pour eux
49
et qu’il l’ameyne quelque forse,
50
se que je ne puys croyre.